DESCRIPTION

వారణాసి నాగలక్ష్మి కథలు మనుషుల్లో ఉండాల్సిన సంస్కారాన్ని గురించి చెప్పే కథలు. మనిషి తన పరిస్థితులకు ఎలా ప్రతిస్పందించాడన్నది అతని వ్యక్తిత్వాన్ని ఆవిష్కరిస్తుంది. నాగలక్ష్మి కథల్లో కనిపించే అనుకూలదృక్పథం, ప్రతికూల చీకట్లు చుట్టూతా కమ్ముకున్న నేటి వాతావరణంలో ఆశాదీపంలా దర్శనమిస్తుంది. కథల వెనక ఉన్నది అన్నిటిలోనూ, అందరిలోనూ మంచిని చూడగల ఆమె మనస్తత్వమే. తన చుట్టూ ఉన్న సమాజంలో, కుటుంబాల్లో జరుగుతున్న సంఘటనలను నిశితంగా చూసిన చూపు. ఆ సంఘటనల్లో ప్రతికూలధోరణులు ఎలా అనుబంధాలను చెడగొడుతున్నాయో పరిశీలించిన హృదయం ఆమెది. అందుకే తన కలాన్ని ఒక అనుకూల దృక్పథం అన్న చిత్రాన్ని చిత్రించేందుకు ఉపయోగించింది. అసలే చిత్రకారిణి, గేయకవి కూడ కనక, కథలు ఆసాంతం లలితమైన పదజాలంతో అందమైన వర్ణనలతో ఆకట్టుకుంటాయి. - డా. సి. మృణాళిని