DESCRIPTION

శనివారం నాది Our greatest joy and our greatest pain come in our relationships with others. ---Stephen R. Covey "మొదలైందా?” అతను అడిగాడు. ఆ గదిలోకి వచ్చిన మంత్రసాని తలూపి అడిగింది. "నిజంగా మీరు చూడాలనుకుంటున్నారా?” "ఇంతదాకా వచ్చాక ఆ అనుమానం దేనికి?" నవ్వాడు. "చూడటానికి ఎంతో బాధాకరంగా ఉంటుంది.” "భయంకరంగా కూడా ఉంటుందా?" ఆశగా అడిగాడు. "నిజానికి ఓసారి చూస్తే మీరెప్పుడూ ఏ స్త్రీ దగ్గరికి వెళ్ళలేరు.” “ఫర్వాలేదు. పద.” అతను పెద్ద పెద్ద అంగలు వేసుకుంటూ, చిన్నగా మూలుగు వినిపిస్తున్న పక్క గదిలోకి వెళ్ళాడు. వెనకే మంత్రసాని వెళ్ళింది. అదో చిన్న గది. గదిలో మంచం మీద ఓ ముప్ఫై ఆరేళ్ళ యువతి వెల్లకిలా వేడుకుని ఉంది. కళ్ళుమూసుకుని మూలుగుతోంది. ఆమె మొహంలో బాధ స్పష్టంగా కనిపిస్తోంది. పక్కనే ఓ బల్ల మీద కిరసనాయిలు స్టవ్ మీద గిన్నెలో మరుగుతున్న నీళ్ళు. ఆ నీళ్ళలో స్టెరిలైజ్ అవుతున్న రెండు కత్తెరలు, స్టవ్ పక్కనే హాస్పిటల్లో ఉపయోగించే దూది, పాతగుడ్డలు. నిశ్శబ్దంగా మంచం పక్కనున్న కుర్చీలో కూర్చున్నాడు................

Novels