DESCRIPTION

ప్రేమలేఖలు... ప్రేమలేఖలు అంటే ప్రియమైన మిత్రులకి రాయటం, పురుషులు గాని స్త్రీలుగాని సెక్స్ భేదమైనప్పుడు ఆ ప్రేమలోవలెనే లేఖలో కూడా రొమాన్స్ పొయెట్రీ, టెండర్నెస్ ఎక్కువగా కనిపిస్తాయి. లేఖలు ఎక్కువ అందంగా ఆకర్షకంగా వుంటాయి. ప్రేమలేఖలు కానివి, పోస్ట్లో రోజువెళ్ళే లక్ష వుత్తరాలు-అన్నీ చెత్త. చికాకు వ్యవహారాలకోసం, దొంగ మర్యాదల కోసం, తగాదాలు, నోటీసులు యీ రకాలు. మొత్తానికి విసుక్కుంటో రాసేవీ, యేడుస్తో చదివేవిగా వుంటాయి. వాఙ్మయంలో లేఖకి స్థానం వుండాలంటే అది ప్రేమలేఖ కావాలి. లేఖ కంటిన్యువస్ థాట్గా వుండాలి. చాలా ప్రియమైన మిత్రుడితో చల్లని కాలవ వొడ్డునగాని, వెచ్చని గదిలో టీ, సిగరెట్ల ముందుగాని, కూచున్నప్పుడు ఎట్లా మాట్లాడతాము! అట్లా వుండాలి వుత్తరం. అంత నాచురల్ గా వుత్తరం చదివే వారికి ఆ రాసేవారిని కలుసుకుని మాట్లాడుతున్నాము అనిపించాలి. ఉత్తరం చేతుల్లో పట్టుకుని చదివేవారు డేడ్రీమ్స్ కి, కలలలోకి వెళ్ళకపోతే, ఆ వుత్తరం వొచ్చి ప్రయోజనంలేదు. నిర్వ్యాజమైన స్నేహం వుంటేనేగాని, స్వచ్ఛమైన హృదయాలు వుంటేనే గాని, మధురమైన లేఖలు పుట్టవు. అట్లాంటి స్నేహం వున్నా వుత్తరాలలో ఆ సంబంధాన్ని వ్యక్తపరుచుకునే అభిలాషగాని, అభిరుచి గాని, శక్తిగాని వున్నవారు అరుదు. మిత్రత్వం 'మీన్స్ ఫర్ ఏన్ ఎండ్' (means for an end) కాక, 'ఎండ్ ఇన్ ఇట్సెల్ఫ్ (end in itself) అయినప్పుడే కవిత్వం...................

Literature