DESCRIPTION

ఒక ప్రేమ కథ. ఒక విఫలమైన ఆశయం కథ. ఒక విరిగిన మనసు కథ. ఒక తీరని కోరిక కథ. ఆ కథ విన్నవాళ్లు ముక్కున వేలు వేసుకున్నారు. ఇన్నాళ్లు నోటి మీద వేసుకున్న వేలు తీసి పొగిడారు. కనీసం అలాంటి గొంతు ఒకటి వుందని గుర్తించారు. ఆ గొంతు ఇంగ్లీషుతో మొదలుపెట్టి ఇప్పటికి ఎనిమిది భాషల్లో తన కథ చెప్పింది. ఆ కథ ఇప్పుడు తెలుగులో పలుకుతోంది. అన్వీక్షికీ సగర్వ సమర్పణ – అబ్దుల్లా ఖాన్ రచన "పాట్నా బ్లూస్" “పాట్నా ఒక ప్రేమ కథ” గా తెలుగులో - అరిపిరాల సత్యప్రసాద్ అనువాదం. సమకాలీన సందర్భంలో ముస్లిం అస్తిత్వ వేదనకి సంబంధించిన దాదాపూ ప్రతి కోణం ఈ నవలలో కనిపిస్తుంది. - అఫ్సర్, కవి, రచయిత మండల్ కమిషన్ నుంచి మోడీ ప్రమాణ స్వీకారం దాకా సాగిన 90ల తరం ఆత్మకథ అబ్దుల్లా ఖాన్ రాసిన నవల - పాట్నా ఒక ప్రేమకథ. ఇది ఒక అనుభూతి. మనసుతోనే పలవరించు. బతుకును బతుకుగానే వుండనివ్వు, దానికి వేరే పేరెందుకు? - అనంతు చింతలపల్లి,కవి, సాహితీ విశ్లేషకులు భారతీయ సాహిత్యంలో అరుదుగా కనిపించే సమకాలీన ముస్లిం జీవితాల గురించి చేసిన ఒక నివేదిక ఈ నవల. - అమితావ్ కుమార్, రచయిత. ప్రేమ, దుఃఖం మరియు ఆకాంక్షల కథ ఇది. అంతే కాదు ఇది పాట్నా నగరపు భావగీతం కూడా! - బిశ్వదీప్ ఘోష్, పాత్రికేయులు ఈ కథ మన గుండెల్ని మెలి పెడుతుంది ఇంతలోనే మనల్ని మైమరిపిస్తుంది. ఈ విషాద వీరుని కథ చదివి కన్నీరు పెట్టకుండా ఉండడం కష్టం. - సోవేంద్ర సర్కార్, రచయిత