DESCRIPTION

ప్రారంభం సూర్యాస్తమయం దగ్గర పడుతున్న కొద్దీ, ఇంద్రాణి హృదయ స్పందన ఆరాటాన్నందు కొంటూంది. ఇంకా అయిదు కాలేదేమిటీ అన్నట్టు గోడ గడియారం కేసి ఆత్రంగా చూస్తోంది అప్పుడప్పుడూ. అది కూడా చిలిపిదే వున్నట్టుంది, మరికాస్త నెమ్మదిగా నడవగలను సుమా అన్నట్టు మరింత నింపాదిగా కదుల్తుంది. లైట్ బ్లూ షిఫాన్ చీరలో లవ్లీ గా మెరుస్తూన్న ఇంద్రాణి లైలాను మరిపించేట్టుంది. ఇంద్రాణి......... న్యూడిల్లీ జె.ఎన్. యూనివర్సిటీలో ఫైనలియర్ ఎమ్మెస్సీ వినయం, విధేయత, మితిమీరని కొంటెతనం... సమపాళ్లలో మేళవించాయి అనుకొంటారు కొందరు ప్రొఫెసర్లు ఆమెను చూసి. 'మీ అందాన్ని నిర్ణయించడానికి మిస్ ఇండియా పోటీలైతే సరిపోగలవేమో గానీ, మీ తెలివిని కొలవడానికి ఇండియాలో మరే విధమైన పరికరాలు లేవని' అభివర్ణిస్తుంటారు ఆమెకు ప్రేమలేఖలు రాసే ప్రేమికులు కొందరు. ఇంద్రాణి - మరో మారు టైమ్ చూసింది. అయిదు అవ్వటానికి ఇంకా పది నిమిషాలుంది. ఆమె వదనంలో ఉత్సుకత ద్యోతకమవుతూంది. అందుక్కారణం. ఇంద్రాణి ఆ రోజు ఎమ్మెస్సీ చివరి పరీక్ష రాసింది. బాటనీ ఆమె స్పెషలైజ్డ్ సబ్జెక్ట్. కొన్ని కారణాల వల్ల ఆ యూనివర్సిటీ పి.జి. పరీక్షలు ఆలస్యమయ్యాయి. అప్పటికే మిగిలిన కాలేజీలు ప్రారంభమయ్యాయి. అందరికన్నా చివరిగా పరీక్షలు జరగటం వల్ల హాస్టల్లో కేవలం పి.జి. స్టూడెంట్సే....................

Novels