DESCRIPTION

నది గమనానికి నరుడి జీవన గమనానికి సారూప్యత చాలా ఉంది. రెండూ సుదీర్ఘ పోరాటాలే... ఎదురయ్యే కొండలను , బందాలనూ దాటుకుంటూ నది సాగుతుంది. గండ శిలలు అడ్డుకున్నప్పుడు చుట్టూ తిరిగి వెళుతుందే తప్ప గమనాన్ని ఆపదు . గమ్యం చేరేదాకా అలసిపోదు. ఆగిపోదు.. అది నదీతత్వం. ప్రవాహ వేదం! నదిని మనిషిని పోల్చుతూ "నది నరుడు" పేరుతో మంచి నవలను అందించారు శ్రీ సింహప్రసాద్. "ఈషణ త్రయం" అనేవి మూడు మూడే! ప్రతిమనిషికీ ఉండేవే... అవసరమైనవి... కానీ అవధులు మీరితే వాటంతటి ప్రమాదకరమైనవి ప్రపంచంలో మరి లేవు. కథానాయకుడు వేణుగోపాలరావు ఈ మూడింటి వలలో చేపలా చిక్కి, ఎలా విలవిలాడాడు? చివరకు ఎలా బయటపడ్డాడు అన్నదే కథాంశం. ఈ నవల చదువుతున్నప్పుడు కేవలం వేణుగోపాలరావు కథే చదువుతున్నట్టు ఉండదు. మన కథనే మనం చదువుతున్న భావన కలుగుతుంది. మన జీవిత గమ్యం కూడా ఈ నవల నిర్దేశిస్తుంది.

Novels