DESCRIPTION

పులుకాషి బతుకుల తండ్లాటల తపనల నుంచి... పుట్టుకనుంచే కష్టాలు కన్నీళ్లు, ఆకలిమంటలు, అవమానాలు, అణిచివేతలు తరతరాలుగా అంటి ముట్టరాన్ని దీనాతిదీన ఎడ్డిబతుకులు. ఎగతాళి, హెచ్చరికలు, హత్యలు, అత్యాచారాలు పచ్చిగాయాలు సలపరింత. ఊరికి పల్లెకు దూరంగా వెలివేయబడి సొంత భూమి జాగా ఇల్లు-ఇడువాటు ఆత్మగౌరవము లేని పుల్కాషి బతుకులు, పేదరికం, నిరక్షరాస్యత, అనారోగ్యం, అభద్రత, ఆత్మన్యూనత, వివక్షతలకు గురైన తండ్లాటల తపనల చీకట్ల నుండి మూడు తరాల మాదిగ లందబతుకుల అక్షరీకరణ, మానవ హక్కుల పోరాటం. స్వేచ్ఛ, సమానత్వం, అస్తిత్వం కోసం లడాయి. ఈ దేశ మూల వాసుల మాయిముంత, కొల్లుగుంటల ఎంకులాటలు వ్యవసాయ పనిముట్లు ఉత్పత్తి సాధనాలను ఈ దేశవికాసానికి అందించిన శ్రమైకజీవన తాత్విక సాంస్కృతిక జీవభాష సౌందర్యాన్ని వెదజల్లే లoదపరిమళం ఈ నవల. ఈ నవలలోని పాత్రలు, సంభాషణలు, మా మాదిగ వాడల జీవద్భాషలో రాయబడింది. అవి అచ్చుతప్పులు కావు. ఇందులోని పాత్రలు, సన్నివేశాలు వాస్తవానికి దగ్గరైనవి. నా పూర్వీకులు కీ॥శే॥ తాత రామయ్య, అన్న రాములు, తల్లిదండ్రులు కొమురవ్వ-దుర్గయ్య, అక్కబావ కనగండ్ల ఎల్లవ్వ దుర్గయ్య యాదిలో.... ఈ నవల పీటుకం లేకుంట కుటుంబమంత ఆనవాలు లేకుంట అంతరించిపోయిన నా ఆత్మగల్ల చిన్నమ్మ కీ॥శే॥ మొలుగూరి రామవ్వ, చిన్ననాన్న మల్లయ్య, తమ్ముడు తిరుపతి గార్లకు అక్షర నివాళ్ళు. నా తండ్లాటను, తపనను గుర్తించి నీవు తప్పకుంటా రాయగలవని నాలో ఆత్మవిశ్వాసాన్ని నింపి నావెంటవుండి నవలరాయడానికి ప్రోత్సహించిన ఆత్మీయులు ప్రముఖ కవి, రచయిత, ఉద్యమకారుడు కీ॥శే॥ చైతన్యప్రకాష్ అన్న గారికి వినమ్రంగా జోహార్లు.........................

Novels