DESCRIPTION

ఈ కథలు 'నా అంతర్ముఖి చేసిన కథాగానం.’ ఈ కథలు నా జీవభాష అయితే దానికి మా కనపర్తి ఇఛ్ఛ్వాద నిశ్వాస!! ఈ కథలు చదువుతుంటే ఫిడేలు, షెహనాయ్, సారంగి, వీణ, తబలా, సన్నాయి, తప్పెట సర్వ వాయిద్యాలు... సప్తస్వరాలుగా వినిపిస్తాయి! మనసులో తడివున్న మనుషుల కథలివి! ఒక్కో కథ చదువుతుంటే ఆ క్షణాల్లో అప్రయత్నంగానే మీ పాత డైరీలోని పేజీల్లో, పాత ఉత్తరాల్నో చేతుల్లోకి తీసుకున్నట్టు, పాత పాటల్ని వింటున్నట్టు గంగోడ్డుకు ఉష్కేల పిట్టగూళ్లు కట్టుకొని హాయిగా ఆడుకుంటున్నట్టుంటుంది. మీ బాల్య స్నేహితుడితో ముచ్చటవెట్టినట్టు మీ ఊరికి తీసుకెల్తాయి.