DESCRIPTION

ఒంటరితనం అదృష్టమో దురదృష్టమో చెప్పలేని నిర్మానుష్య వీధుల మీద పడుతున్న సూర్యరశ్మి లాంటి వాక్యాలు... ఏకాంతం వరమో శాపమో తెలియని ఇళ్ల మీద కురుస్తున్న చీకటిలాంటి పేరాగ్రాఫులు.. శకలాల మధ్యనుండి నడుస్తున్న మనిషి పాదాలకు గుచ్చుకుంటున్న చేయలేకపోయిన ప్రయాణాల్లాంటి పేజీలు.. జీవిస్తున్న మానవ ప్రపంచం నుండి కనీస ఆత్మావసరాలు తీర్చుకోలేకపోయిన మనిషి నిరాశలోంచి పుట్టే అగమ్యగోచరాల్లాంటి అధ్యాయాలు... ఇంతకుమించి ఏముంది ఈ పుస్తకంలో? వెలుగు ద్వారంలోంచి బయటకు రావడానికే చీకటి గుహలోకి ప్రవేశించగలిగిన పాదాల నిర్మాణం కలిగిన పాఠకునికి ఇంతకు మించి కూడా కావాల్సిందేమీ లేదు. -భగవంతం